'Afrika moet veg vir arm boere'
2010-10-29 12:00
Lilongwe – President Bingu wa Mutharika van Malawi, wat ook die voorsitter is van die Afrika-unie, sê Afrika behoort te veg vir subsidies vir sy arm boere sodat hy voedselsekuriteit op die vasteland kan bewerkstellig.
Hy het op 'n vergadering van landbouministers van Afrika in Lilongwe gepraat.
Die Wêreldbank en die Internasionale Monetêre Fonds het landbousubsidies vir arm boere in Afrika teengestaan weens die hoë koste wat daarmee gepaard sou gaan.
Die Malawiese regering is van buitelandse skenkers afhanklik vir 40% van sy begroting.
– RSG
Volg Nuus24 op Twitter