Abuja-ontploffing: Dodetal styg tot 18

2011-08-26 15:19

Kaapstad. – Die polisie in Abuja het bevestig dat die dodetal in die selfmoordbomaanval op die VN se kantore tot 18 gestyg het, berig die Nigeriese nuuswebwerf Nigeria News Desk.

Intussen het die Abuja Nasionale Hospitaal se bloedreserwes begin opraak en het die hospitaal 'n beroep op Nigeriërs gedoen om bloed te skenk vir die slagoffers van die ontploffing.

Die bomontploffing het die VN-kantore Vrydagoggend geruk.

Volgens ooggetuies het 'n man met 'n voertuig in die gebou vasgery toe die ontploffing plaasgevind het, het Reuters berig.

Volg Nuus24 op Twitter.