Aankondiging van Libiese regering uitgestel
2011-11-21 11:18
Tripoli – Die aankondiging van Libië se nuwe regering is Sondag met 48 uur uitgestel, het die adjunkvoorsitter van die Nasionale Oorgangsraad (NOR), Abdel Hafiz Goga, tydens ‘n nuuskonferensie gesê.
"Abdel Rahim al-Kib (die tussentydse premier) sou Sondag die nuwe regering bekendmaak, maar het gevra dat die NOR hom nog 48 uur gee voor hy die aankondiging maak," het Ghoga gesê.
Ghoga het nie ‘n rede vir die versoek om uitstel gegee nie, maar dit wil voorkom of die inhegtenisname van Saïf al-Islam, Muammar Gaddafi se oudste seun, die rede kan wees.
Die NOR het op 24 Oktober aangekondig dat hy verwag om ‘n nuwe regering binne ‘n maand aan te kondig en dat die verkiesing van ‘n grondwetgewende vergadering agt maande later sal plaasvind.
Ghoga het daarop aangedring dat die spertyd gerespekteer word.
– Volg Nuus24 op Twitter.
- Sapa - AFP