92 dood ná tenkwa in Nigerië bots, vlamvat

2012-07-12 17:08

Niger Delta – Minstens 92 mense is dood nadat ‘n tenkwa met petrol Donderdag in die Niger-delta in Nigerië in 'n ongeluk betrokke was en die brandstof aan die brand geslaan het, het ‘n getuie gesê.

Mense het glo ná die ongeluk probeer om van die brandstof in houers te kry toe dit vlamgvat het.

“’n Tenkwa wat met petrol gevul was, was vroeg vanoggend (Donderdagoggend) in Okogbe in ‘n ongeluk. Mense het stilgehou om die petrol op te tel en skielik was daar ‘n brand wat tot verskeie sterftes gelei het,” het Ben Ugwuegbulam, polisiewoordvoerder vir die Rivers-staat, gesê.

Ugwuegbula sê dit was nog te vroeg om die presiese aantal sterftes te bevestig, maar ‘n getuie op die toneel het 92 lyke van mans, vroue en kinders getel.

– Volg Nuus24 op Twitter
 

- Reuters