80% Darfur-sterftes van siektes, nie oorlog
2010-01-22 13:28
Kaapstad – Byna 80% van die 300 000 sterftes in Darfur wat aan konflik gekoppel is, was as gevolg van diaree, nie geweld nie, het Belgiese wetenskaplikes Vrydag gesê.
'n Analise van die dodetal sedert 2003, toe rebelle konflik met die Soedanese regering hervat het, wys dat die oorspronklike toename in geweldadige sterftes plek gemaak het vir diaree en ander siektes om die grootste moordenaars te word.
Mense in dié streek is meer weerloos teen siektes as gevolg van die gebrek aan behuising, ordentlike sanitasie en mediese infrastruktuur.
Die navorsers het ook gesê 'n afname in buitelandse hulp lei dikwels tot 'n skerp toename in sterftes, wat rede is tot "ernstige kommer" as 'n mens in ag neem dat talle werkers van internasionale hulpfondse verlede jaar deur die Soedanese president landuit gesit is.
Lees meer by Reuters