68 Lyke in Ivoorkus-massagraf
2011-05-09 21:57
Abidjan – Die Verenigde Nasies in die Ivoorkus het blykbaar 68 lyke getel in ‘n massagraf wat op ‘n sokkerveld in Abidjan oopgegrawe is.
Guillaume Ngefa, die adjunk-direkteur van die
VN se menseregte-afdeling, sê die slagoffers was heel waarskynlik die dag ná
Laurent Gbagbo se inhegtenisneming deur
pro-Gbagbo-magte doodgemaak.
Volgens Ngefa het ondersoekbeamptes onderhoude
met getuies gevoer en familielede moes die dooies uitken.
Volg
Nuus24 op Twitter.
- SAPA