74 sterf in WB-bomaanvalle in Uganda
2010-07-12 05:46
Kampala – Sowat 74 mense is Sondag dood ná ontploffings in twee restaurante in Kampala, die hoofstad van Uganda, terwyl massas mense die finaal van die Wêreldbeker-sokkertoernooi gekyk het, het die polisie gesê
Een van die ontploffings was in ‘n Ethiopiese restaurant in die suide van die hoofstad en die ander was by n rugby-sportklub in die ooste van Kampala, het die polisiehoof Kale Kavihura aan verslaggewers gesê.
“Dertien mense is hier dood,” het hy met verwysing na die Ethiopiese restaurant gesê.
“Ek kan van sterftes in tiene praat,” het hy oor die ontploffing by die sportklub gesê.
“Hierdie bomme het verseker die Wêreldbeker-skares geteiken,” het Kavihura gesê.
* Vroeër is berig dat 63 mense gesterf het. Uganda se regering het egter bevestig die dodetal staan op 74.
Volg Nuus24 op Twitter
- Sapa - AFP