20 vas ná Uganda-bomaanval
2010-07-18 16:21
Kampala - Volgens die Inspekteur-generaal van die Ugandese polisie is 20 verdagtes in hegtenis geneem in verband met die bomaanval waartydens 76 mense gesterf het terwyl hulle die eindstryd van die Wêreldbeker-sokkertoernooi gekyk het.
Volgens Kale Kayihura het al die verdagtes verbindings met al-Sjabaab. Die verdagtes sluit in Ugandese, Somaliërs, Etiopiërs en Pakistani’s.
Al-Sjabaab, Somalië se mees gevreesde strydlustige groep, het verantwoordelikheid vir die aanval aanvaar.
“Die 20 verdagtes word deur Ugandese sekuriteit aangehou terwyl die bomaanval ondersoek word. Sowat 37 beseerdes ontvang steeds mediese behandeling in die hospitaal na afloop van die ontploffings,” het Kayihura gesê.
Die polisie in Kenia het Woensdag ook ‘n verdagte naby die Somaliese grens in hegtenis geneem.
Volg Nuus24 op Twitter.
- SAPA