20 sterf in Mosambiek-botsing
2009-12-27 12:03
Maputo – Sowat 20 mense, waarvan sommige vanaf Suid-Afrika teruggekeer het, het op Kersdag in ’n ongeluk buite Maputo gesterf, het die plaaslike polisie gesê.
Juarce Martins, ’n polisiewoordvoerder het gesê twee voertuie was by die motorongeluk in die Moamba-streek buite die hoofstad betrokke.
Sowat 17 inwoners van Mosambiek het van Suid-Afrika afgekom en het in ‘n VW-minibus gereis.
Nog vyf passasiers het ernstige beserings opgedoen en word tans in ‘n hospitaal in Maputo behandel.
Die ongeluk het plaasgevind nadat die bestuurder van ‘n ander voertuig beheer oor die stuur verloor het en teen die minibus gebots het.
-Sapa