18 sterf in Ghana-bootongeluk
2011-09-08 21:00
Akkra – Minstens 18 mense, meestal kinders, het
verdrink toe ‘n boot op Ghana se Volta-meer omgeslaan het.
Daar was meer as 90 mense aan boord, het ‘n
plaaslike beampte gesê.
“Die lyke van 18 mense is sover na die
lykshuis geneem, maar reddingspogings duur steeds voort,” het Dominic Napara,
distrikshoof in Ghana se Brong-Ahafo-streek, gesê.
“Die meerderheid slagoffers is kinders tussen
die ouderdom van ses maande en ses jaar.”
Aanvanklik is berig dat daar net twee
slagoffers in die ongeluk, wat Dinsdag plaasgevind het, was.
“Die meer is geweldig groot, wat
reddingsoperasies vermoeilik,” het Napare gesê.
Daar is ook ‘n gebrek aan gepaste toerusting
vir die reddingsoperasie, wat deur plaaslike inwoners in nabygeleë dorpies
uitgevoer word.
Volg Nuus24 op Twitter.
- Sapa - AFP