14 vroue sterf in mynongeluk
2009-11-12 14:15
Accra - Ten minste 18 onwettige mynwerkers, waarvan 14 vroue was, is dood in ‘n ongeluk by ‘n goudmyn in Ghana, het ‘n polisiebeampte aan AFP gesê.
“Dit is die grootste mynongeluk nóg in Ghana,” het Kojo Antwi Tabi, ‘n polisiebevelvoerder, gesê.
Tabi het gesê sowat 30 mense het in die goudmyn in Domboase gewerk toe dit ineenstort. Meer liggame sal waarskynlik gevind word.
“Die regering moet maatreëls instel om die aktiwiteite van mynwerkers te beheer," het Tabi gesê.
- Sapa-AFP