10 doodgeskiet tydens betogings
2009-09-11 14:39
Kampala - Drie mense, insluitende ‘n kind, is Vrydag in Kampala, Uganda, tydens geweldadige betogings doodgeskiet.
Dit is die tweede dag van betogings in die hoofstad en Vrydag se voorval het die sterftesyfer tot 10 gebring, het ooggetuies en polisie gesê.
Marc Hofer, ‘n fotograaf, het gesien hoe ‘n 13-jarige seun in die kop geskiet word en ‘n ander man in die rug geskiet is.
Die seun se ma, wat onbekend wou bly, sê ‘n soldaat het haar seun doodgeskiet terwyl hy buite ‘n winkel gestaan het.
Henry Mulwanyi, ‘n polisielid, het bevestig dat ‘n man en ‘n vrou ook in die middestad van Kampala dood is. Dit is onbekend of dié man dieselfde persoon is as wat Hofer gesien het.
Betogers het klippe gegooi na polisie tydens die onruste wat Donderdag begin het.
Lede van die prominente Baganda-stam is in opstand omdat die regering nie hul leier, Ronald Muwenda Mutebi, wil toelaat om Kayunga, noord van Kampala, te besoek nie.
‘n Fotograaf van die nuusagentskap Associated Press het Donderdag gesê hy het gesien hoe sewe mense tydens die onruste doodgemaak word.
- Sapa