1 dood, 10 beseer in stormloop
2010-03-27 04:55
Kampala – Een mens is Vrydag dood en tien beseer tydens ‘n stormloop by Uganda se koninklike grafkelders wat sowat 10 dae gelede deur ‘n brand verwoes is, het ‘n polisiewoordvoerder gesê.
Duisende volgelinge van die Banganda-stam het reeds sedert Donderdag by die Kasubi-koninklike grafkelder saamgekom op die buitewyke van Kampala vir ‘n spesiale bidsessie.
“Volgens die verslae wat ons het, het een persoon in ‘n stormloop gesterf. Die tien beseerdes is na ‘n plaaslike hospitaal geneem. Ons probeer steeds om vas te stel wat presies gebeur het,” het Judith Nabakoba gesê.
“Die oorledene het moontlik versmoor toe die skare mense al meer begin word het.”
– Sapa, AFP