WB laat geld inrol
2010-06-24 15:00
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - Toerisme gedurende die Wêreldbeker-sokkertoernooi sal na verwagting ‘n beraamde R27-miljard inbring, het Toerisme SA gesê.
Syfers het getoon dat spandering deur internasionale besoekers op Visa-kaarte die week voor en ná die afskop met 54% toegeneem het teenoor verlede jaar.
Toerisme SA het ‘n R100 miljoen bemarkingsveldtog geloods in die vier jaar voor die toernooi om seker te maak dat internasionale toeriste na die land kom.
“Ons glo ons kon nie beter gedoen het nie,” het Roshene Singh van die organisasie gesê.
Singh het by ‘n mediakonferensie wat deur Fifa en die plaaslike reëlingskomitee by Soccer City aangebied is gepraat.
Volgens Singh het die syfers “goed” gelyk, met Johannesburg wat op 85% besetting staan en Durban en Kaapstad met ‘n besettingsyfer van tussen 60% en 70%.
Thandiwe January-McLean, uitvoerende hoof van Toerisme SA, het gesê die Wêreldbeker-sokkertoernooi was ‘n wonderlike geleentheid om die land in sy totaliteit ten toon te stel.
“Dit het aan die land die geleentheid gebied om weg te doen met al die stereotipes,” het hy gesê.
Terugvoer van internasionale gaste was grotendeels verwondering oor die land se wêreldklas-infrastruktuur.
Singh het bygevoeg dat Toerisme SA wag om die voordele van die toernooi te geniet wanneer toeriste ná die Wêreldbeker weer terugkeer.
Volg Nuus24 op Twitter
- SAPA