Vlugte verdubbel tydens sokkertoernooi
2010-03-03 03:35
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - ‘n Ekstra 123 000 vlugte sal tydens die Wêreldbeker-sokkertoernooi beskikbaar wees, het die Lughawensmaatskappy van Suid-Afrika (Acsa) aangekondig.
Andre Vermeulen, Acsa groepbestuurder het tydens ‘n inligtingsessie oor die lughawens se gereedheid vir die Wêreldbeker gesê dat hulle baie versoeke van kommersiële sowel as privaat lugrederye gekry het vir meer vlugte tydens die toernooi.
“Dit sal net vir ‘n beperkte tydperk wees en sal nie noodwendig na die toernooi volgehou word nie,” het Vermeulen bygevoeg.
Volgens Vermeulen is die aantal vlugte tydens die sokkertoernooi amper dubbeld soveel as die res van die jaar.
Chris Hlekane, algemene bestuurder van O.R. Tambo-lughawe, het namens die tien lughawens van die gasheerstede gepraat.
Hy sê met 100 dae om te gaan, is die lughawens 90% klaar.
“Ons is nou in die kritieke stadium en sal saam met ons vennote seker maak alles verloop volgens plan die volgende paar weke,” het Hlekane gesê.
- Sapa