Toeriste in sop oor sexy rokkies
2010-06-15 10:43
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - Fifa se handelsmerk-polisie het meer as 30 Nederlandse vroue vir sowat drie ure ondervra oor die uitrustings wat hulle aangehad het, het The Star Dinsdag berig.
Die noupassende, oranje mini-rokkies, bekend as "Dutchy-rokkies", was deel van 'n geskenkpakkie wat saam met Bavaria bier in Nederland uitgedeel is in opbou tot die Wêreldbeker-sokkertoernooi.
“Die polisie het gekom en ons aanhoudend uitgevra. Hulle het heeltyd dieselfde vrae aan ons gestel en wou weet of ons vir Bavaria werk,” het Barbara Kastein, ‘n toeris wat die wedstryd tussen Nederland en Denemarke bygewoon het, gesê.
“Hulle het gesê ons doen onwettige bemarking en dit is teen die wet in Suid-Afrika. Hulle het gedreig dat ons in hegtenis geneem sal word en ses maande in die tronk sal sit. Van die meisies het begin huil. Dit was regtig aaklig,” het Kastein glo gesê.
Volgens Peer Swinkels, woordvoerder vir Bavaria, was daar geen handelsmerke op die sexy oranje rokkies wat die vroue aangehad het nie. Dit is egter algemene kennis dat hierdie uitrustings deel is van die Bavaria-handelsmerk.
“Fifa besit nie 'n monopolie oor die kleur oranje nie,” het Swinkels gesê.
Fifa het gesê dat niemand in hegtenis geneem is tydens die voorval nie, maar hulle oorweeg regsstappe teen die vroue.
Volg Nuus24 op Twitter.
- SAPA