Te veel tweets vir Twitter
2010-06-17 11:07
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Kaapstad - Die Wêreldbeker-sokkertoernooi het sosiale netwerke aan die gons, maar Twitter sukkel glo om hierdie wêreldwye sportgeleentheid te hanteer.
Dié sosiale netwerk is so gewild dat selfs Sepp Blatter, Fifa-president, vir hom ‘n profiel geskep het om met sokkeraanhangers in verbinding te tree tydens dié toernooi.
Maar die rekordaantal tweets wat tans gemaak word het nou interne foute met die blad ontbloot.
Twitter se Wêreldbeker-blad, twitter.com/worldcup/worldcup, wat spesiaal geskep is vir die toernooi, is op seker tye nie beskikbaar nie omdat dit sy maksimum kapasiteit bereik.
Hierdie probleme het al hoe meer gereeld begin plaasvind, wat glo die ondervinding vir sokkergeesdriftiges bederf.
"Ons werk deur die foute in die stelsel om die blad meer stabiel te maak, veral tydens tye waar daar rekord getalle gebruikers is,” het Sean Garrett, woordvoerder vir Twitter, gesê.
- Sport24