Spanje vier fees met span
2010-07-12 15:30
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Madrid – ‘n Ontmoeting met die koning en ‘n busrit deur die stad wag op Spanje se Wêreldbeker-kampioene as hulle Maandag in hul tuisland aankom.
Duisende sokkergeesdriftiges sal na verwagting in Spanje se hoofstad saamdrom om hulle helde terug te verwelkom nadat hulle as wenners uit die stryd getree het tydens die Wêreldbeker-sokkertoernooi in Suid-Afrika.
Spanje, wat Nederland Sondagaand 1-0 geklop het, sal na verwagting omstreeks 14:30 hulle landing maak. Na ‘n ruskans by ‘n lughawe-hotel sal die span ‘n ontmoeting met koning Juan Carlos en premier, Rodriguez Zapatero, hê.
Die hoogtepunt van die vieringe sal egter ‘n 5km-busrit deur Madrid wees, wanneer die Spanjaarde kans sal kry om hulle sokkerhelde in lewende lywe te sien.
Spanjaarde, wat deur die nag partytjie gehou het, het Maandagoggend gesukkel om hulself by die werk te kry. Hulle was egter gereed om hulle span terug te verwelkom.
Spanje se oorwinning het Maandag die voorblaaie in die land gedomineer met heelwat publikasies wat hulde gebring het aan dié land se eerste oorwinning in die Wêreldbeker-sokkertoernooi. Heelwat televisiestasies het Andres Iniesta se wendoel oor en oor uitgesaai.
In Barcelona het sowat 75 000 ondersteuners hulle landsvlae trots rondgeswaai toe die Spaanse sokkerspan die Wêreldbeker-trofee omhoog gehou het.
Hierdie vieringe het egter kort na middernag ‘n lelike draai geneem toe ondersteuners mekaar met bottels begin gooi het.
Die polisie moes van rubberkoeëls gebruik maak om die skare onder beheer te bring.
In Madrid moes die polisie ook inspring om partytjiegangers in toom te hou.
PUNTEMAKER: Só lyk ’n man nadat jy in bykomende tyd die wendoel in die Wêreldbeker-eindstryd aangeteken het. Andres Iniesta van Spanje vier die doel wat sy span op Soccer City buite Johannesburg oor Nederland laat seëvier het. (Luca Bruno, AP)
Volg Nuus24 op Twitter.
- Sapa - AP