Spanje eerste WB-kampioene in Afrika
2010-07-11 23:05
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Anja Carstens
Kaapstad - Spanje het hul eerste Wêreldbeker-trofee gewen toe hulle in ekstra tyd die eindstryd Sondag teen Nederland met 1-0 op die Soccer City-stadion in Johannesburg geklop het.
Albei spanne probeer reeds vanaf 1934 om die wentrofee omhoog te hou en vanaand was dit uiteindelik Spanje se beurt.
Spanje, die Europese kampioene, het as gunstelinge op die veld gedraf hoewel die meerderheid van die 84 490 toeskouers oranje gedra het.
In 'n eindstryd gekenmerk deur vurige duikslae het die Engelse skeidsregter Howard Webb 12 geelkaarte en 'n rooikaart in die wedstryd uitgedeel.
Spanje het eerste kans gekry om 'n doel aan te teken na 'n puik poging deur Sergio Ramos vroeg in die eerste helfte.
Nederland het hul beste kans in die 60ste minuut gehad toe Arjen Robben net die doelwagter Iker Casillas voor hom en die doelhok gehad het. Maar Casillas se regtervoet het genoeg gedoen om die bal te laat weg krul.
Robben het in die 82ste minuut weer 'n gulde geleentheid gekry om die bal in die doelhok te bêre.
Ekstra tyd is aangekondig na toegelate tyd doelloos geeïndig het.
Dit is slegs die sesde keer in die geskiedenis van die Wêreldbeker wat ekstra tyd gespeel moes word om 'n wenner te bepaal.
Nederland moes met net 10 spelers klaarkom na John Heitinga in die 110de minuut afgestuur is.
Oranje se harte is kort daarna vir die derde keer in 'n eindstryd gebreek toe die wendoel deur Andres Iniesta aangeteken is.
Bly op hoogte van al die jongste sportnuus deur Nuus24Sport op Twitter
te volg.