Skeidsregters pak tasse
2010-06-30 13:05
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg – Uruguay se Jorge Larrionda en die Italianer Roberto Rosetti wie se wedstryd-flaters Fifa genoodsaak het om video tegnologie te heroorweeg, sal nie verder deel wees van die Wêreldbeker nie.
Sokker se beheerliggaam het Woensdag die name van 19 skeidsregters bekend gemaak wat aan die res van die toernooi sal deelneem.
Larrionda en sy lynregter kon verlede Sondag nie sien dat Frank Lampard se poging 'n duidelike doel was, nadat die bal die dwarsbalk getref en agter die doellyn beland het nie.
Engeland het die wedstryd in Bloemfontein uiteindelik met 4-1 teen Duitsland verloor.
Rosetti weer het ‘n doel aan Carlos Tevez in Argentinië se wedstryd teen Mexiko toegeken, al het Tevez die bal in ‘n onkantposisie van sy spanmaat Lionel Messi ontvang. Argentinië het die kragmeting met 3-1 gewen.
Fifa-president Sepp Blatter het onverskoning gevra aan Engeland en Mexiko en gesê dat die debat rondom tv-skeidsregters beslis heropen sal word.
Die Engelse skeidsregter Howard Webb en Frank de Bleekere van België, is van die gunstelinge om in die Wêreldbeker-eindstryd te blaas.
Bly op hoogte van al die jongste sportnuus deur Nuus24Sport op Twitter te volg.
- Sport24