Siener-sjimpansee meen Paul is verkeerd
2010-07-09 22:30
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Tallin – Dit wil voorkom of selfs die diereryk besig is om sokkerkoors te ontwikkel en hulle gedrag het die wêreld aan die gons.
Paul, die siener-seekat, het reeds vir heelwat opspraak gesorg met sy Wêreldbeker-voorspellings. Hy het reeds ses wedstryde se eindresultate tydens die sokkertoernooi reg voorspel. Nou meen Paul dit is Spanje wat Sondagaand met die louere gaan wegstap.
Maar is Paul dalk verkeerd?
Pino, ‘n sjimpansee in ‘n Estlandse dieretuin, het Vrydag voorspel dat Nederland as wenners uit die stryd sal tree na afloop van Sondag se eindwedstryd in Johannesburg.
Die enigste probleem is dat Pino moontlik bevooroordeeld mag wees, siende dat hy in Amsterdam gebore is en in 1994 na sy nuwe tuiste verhuis het.
Bewaarders by die dieretuin het twee papiersakke vol lekkers vir Pino uitgesit met die twee mededingende lande se vlae daarop. Sonder om eers ‘n oomblik te huiwer het dié siener-sjimpansee die Nederlandse pakkie gegryp.
Hierdie was egter Pino se eerste voorspelling en hy het nie naastenby die ervaring waaroor Paul beskik nie.
Volg Nuus24 op Twitter.
- Sapa - AFP