SA oorval met positiewe WB-terugvoer
2010-07-10 05:09
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Kaapstad – Terwyl Spanje daarvan droom om sy eerste Wêreldbeker-sokkertoernooi te wen, geniet Suid-Afrika sy positiewe terugvoer oor dié internasionale toernooi.
Met ‘n byna foutlose aanbieding van die toernooi, hoop Suid-Afrika om nou die guns van internasionale beleggers te wen.
“Mense sit in Denemarke, Frankryk en Brittanje en is beïndruk met Suid-Afrika se stadions. Hulle is van mening dat dit selfs beter is as die stadions in hulle eie land,” het John Mackie, hoof van Afrika-beleggings by Stanlib, aan Business Day gesê.
“Daar is geen twyfel. Dit het mense se sienings verander.”
En net soos doele deur Lionel Messi en Wayne Rooney het die verwagte golf van misdaad toe nooit gematerialiseer nie.
“Die voorspelde misdaadgolf wat gedreig het om die gees van die Wêreldbeker-sokkertoernooi in Suid-Afrika te kniehalter, het toe net eenvoudig nooit gebeur nie. Daar was skaars ‘n rimpeling gevoel,” het die New York Times berig.
“Die misdadigers het ‘n swakker verskyning tydens die toernooi gemaak as die Franse sokkerspan.”
Volg Nuus24 op Twitter.
- SAPA