'SA gaan minder werk tydens WB'
2010-06-08 13:11
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Kaapstad – Mense se produktiwiteit sal glo tydens die Wêreldbeker-sokkertoernooi daal aangesien baie van die wedstryde tydens kantoorure gespeel word.
Dié waarskuwing kom van Produktiwiteit Suid-Afrika.
“Produktiwiteit in die werksplek sal beïnvloed word.
“Werkgewers sal moet oppas vir afwesighede en ‘n verlaging in mense se kwaliteit van hul werk,” het Motlatsi Gabaocwe, senior navorser by Produktiwiteit SA, gesê.
Werkers wat ná wedstryde fees vier of laat in die aand wakker bly om ‘n wedstryd te kyk, sal volgens Gabaocwe beslis negatief beïnvloed word.
Produktiwitieit SA het voorgestel dat werkgewers duidelike riglyne aangaande afwesigheid tydens die Wêreldbeker–sokkertoernooi uiteensit.
Hulle het ook voorgestel dat werkers aangemoedig moet word om vooruit te dink en verlof in te sit as hulle kan, eerder as om moeg werk toe te kom.
Verder het Produktiwiteit SA voorgestel dat daar TV-skerms vir sekere van die wedstryde by die werksplek opgerig word sodat werkers nie die wedstryde hoef te mis nie.
Volg Nuus24 op Twitter