Pele kap Maradona
2010-07-01 13:24
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Berlyn - Die Brasiliaanse sokkerlegende Pele se woordestryd met Argentinië se breier, Diego Maradona, is Dinsdag voortgesit toe Pele gesê het die Argentyn sal weens sy stormagtige verlede nooit ‘n goeie afrigter wees nie.
Pele, wat vroeër tydens die Wêreldbeker gesê het Maradona het slegs die afrigterspos aanvaar omdat hy geld nodig gehad het, meen die Argentyn se destydse verslawing aan kokaïene het 'n slegte uitwerking op die span.
Die Suid-Amerikaners, wat sover al vier hul Wêreldbeker-wedstryde gewen het, kom Saterdag in Kaapstad teen Duitsland in die kwarteindronde te staan.
“Hy (Maradona) is nie ‘n goeie afrigter nie omdat hy so ‘n vreemde leefstyd gehad het. Dit is iets wat nie goed vir die span kan wees nie,” het Pele in 'n onderhoud aan ‘n Duitse tydskrif gesê.
Pele het gesê die Duitse span daarteenoor, wat Engeland met 4-1 verlede Sondag in Bloemfontein verneder het, lyk goed en vol energie.
“Dis ‘n fees om te kyk hoe hierdie span speel,” het hy gesê.
Alhoewel hulle goed kan dribbel en die bal perfek kan aangee, meen Pele tog dat Duitsland te jonk is om vanjaar se Wêreldbeker-kroon te dra.
Bly op hoogte van al die jongste sportnuus deur Nuus24Sport op Twitter te volg.
- AFP