Paul maak sy WB-voorspelling
2010-07-09 15:21
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Oberhausen – Begin solank met die fiesta, want Spanje gaan die Wêreldbeker-sokkertoernooi Sondagaand in Soccer City wen.
Of só meen die talentvolle siener-seekat, Paul.
Paul, van die Sea Life-akwarium in Oberhausen, het glo die gawe om te kan voorspel watter span tydens die sokkertoernooi met die louere sal wegstap. Hy het reeds ses keer van te vore die regte voorspellings gemaak.
Dié seekat moet gewoonlik tussen twee glashouers met snoepgoed daarin kies. Elke houer het ‘n landsvlag daarop en verteenwoordig die twee opponente.
Paul het Vrydag amptelik vir Spanje as wenners van die toernooi aangewys, en hy was nog nie voorheen verkeerd nie.
Dié twee-en-‘n-half-jarige siener-seekat sal nou met pensioen gaan en geen verdere voorspellings maak nie. Seekatte leef gewoonlik sowat drie jaar lank.

Paul kies vir Spanje. (Roberto Pfeil, AP)
Volg Nuus24 op Twitter.
- SAPA