Onthaal van hoës kos regering R10 m.
2010-08-06 06:22
In-diepte Verslae
Noord-Korea se sokkerspan en die afrigter is tydens 'n openbare ondersoek na hul vertoning tydens die 2010-wêreldbeker verneder.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Die Burger
Kaapstad - Die regering het R10,2 miljoen opgedok vir ’n luukse suite in Soccer City in Johannesburg om Afrika-staatshoofde en ander hooggeplaastes by die opening- en afsluitingseremonie van die Wêreldbeker-sokkertoernooi te onthaal.
Die departement van internasionale betrekkinge en samewerking het die rekening betaal.
Die minister, Maite Nkoana-Mashabane, het egter in antwoord op ’n parlementêre vraag deur die DA benadruk dat haar departement geen kaartjies gekoop het vir die Wêreldbeker-toernooi, die Kaapse Internasionale Jazzfees of enige ander groot gebeurtenis in die 2009-’10-boekjaar nie.
Verskeie departemente en staatsentiteite, waaronder die SAUK, het ná die toernooi opslae gemaak oor die miljoene rande wat hulle aan wedstrydkaartjies bestee het.
Volgens Nkoana-Mashabane het haar departement in Maart reeds ’n onthaalsuite met plek vir 200 gaste in Soccer City bespreek vir 11Junie en 11Julie.
“Die president het internasionale staatshoofde en ander hooggeplaastes vir die opening- en afsluitingseremonie na Johannesburg genooi.
“Die suite is bespreek om hierdie staatshoofde en ander belangrike mense – veral dié uit Afrika, onder wie sy diplomatieke korps – te huisves om die Afrika-karakter van die toernooi te weerspieël.”
Onder dié wat die geleentheid bygewoon het, was pres. Robert Mugabe van Zimbabwe en sy premier, Morgan Tsvangirai. Alle ambassadeurs uit Afrika wat tans in Suid-Afrika diens verrig, was ook op die gastelys.
- Die Burger