Mandela nodig vir 2010 se sekuriteit
2010-01-18 10:38
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Bogota – Die bekende sokkerspeler Pele sê die teenwoordigheid van voormalige president Nelson Mandela kan dalk deurslaggewend wees in sekere sekuriteitskwessies gedurende die Sokker Wêreldbeker-toernooi in Suid-Afrika.
Pele het Saterdag aan verslaggewers in Kolombië gesê hy is bekommerd oor die 91-jarige Mandela, wat as verenigende simbool vir alle Suid-Afrikaners dien, se gesondheid.
Pele het ook gesê die aanval op Togo se sokkerspan in Angola het vrae oor sekuriteit in Suid-Afrika laat ontstaan, 'n aanname wat Suid-Afrikaanse beamptes reeds verwerp het.
"Wat gebeur het in Togo het 'n effek op die wêreldbeker," het Pele gesê. "Ek hoop alles draai goed uit. Mense is bekommerd oor Nelson Mandela se gesondheid. Hy's 'n man wat die ondersteuning van alle Suid-Afrikaners het. Hy het beheer oor alles."
"FIFA se grootste bekommernis is dat iets dalk met Mandela gebeur," het hy bygevoeg.
Pele was in Kolombië om die Suid-Amerikaanse klubkampioenskap Copa Libertadores te bemark.
Sy nuutste kommentaar sal waarskynlik vir Danny Jordaan, die uitvoerende hoof van die plaaslike reëlingskomitee, ongemaklik maak.
Jordaan het net ná die Togo-aanval gesê dit is onregverdig om te sê sekuriteitsprobleme in Angola is verwant aan Suid-Afrikaanse voorbereidings.
Ten spyte van Jordaan se posisie, is Suid-Afrikaanse beamptes gevra om te verduidelik hoekom soortgelyke geweldadige insidente nié sal plaasvind wanneer die Sokker-wêreldbeker op 11 Junie afskop nie.
– Sapa-AP