Madiba maak draai by Soccer City
2010-07-11 20:26
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - Voormalige president Nelson Mandela en sy vrou, Graca Machel, het 'n kort verskyning gemaak in 'n stampvol Soccer City-stadion tydens Sondagaand se sluitingseremonie van die 2010 Fifa Wêreldbeker-toernooi.
Mandela, warm aangetrek in 'n swart jas, handskoene en hoed, het gewaai en geglimlag terwyl die skare van 95 000 hom staande joegejuig het.
Die ikoniese oudpresident, wat hierdie week 92 word, het die stadion in 'n gholfkarretjie binnegekom, maar het 'n paar minute later vertrek om die wedstryd by sy huis te volg.
Sy kleinseun, Mandla Mandela, het Sondag gesê Fifa se president, Sepp Blatter, het te veel druk op die voormalige president geplaas om die seremonie by te woon.
Hy het gesê Blatter het nie begrip gehad vir die feit dat die Mandela-familie steeds in rou was na die dood van Mandela se agterkleindogter, Zenani, in 'n motorongeluk nie.
"My oupa het onlangs sy agterkleinkind aan die dood afgestaan en die familie rou," het Mandela gesê. "Hulle behoort ons gebruike en tradisies in gedagte te hou."
- Volg Nuus24 op Twitter
- SAPA