Jordaan bedank Madiba
2010-02-12 12:38
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg – Danny Jordaan, hoof van die Wêreldbeker-reëlingskomitee (LOC), het oud-president Nelson Mandela bedank vir die rol wat hy gespeel het om die Wêreldbeker-sokkertoernooi na Suid-Afrika te bring.
Oud-president Mandela, wat Donderdag die 20ste herdenking van sy vrylating uit die Victor Verster-tronk herdenk het, was deel van die afgevaardiges wat Suid-Afrika se bod vir dié toernooi in 2004 aangebied het.
Die voormalige president was ook op 15 Mei 2004 teenwoordig toe die aankondiging gemaak is dat die Wêreldbeker vir die eerste keer in Afrika aangebied sal word.
Jordaan het gesê dit is te danke aan Mandela dat, “die res van die wêreld ons vertrou om hierdie toernooi aan te bied.”
“Hy het ons die momentum en vertroue gegee om te glo dat ons kan vermag wat baie mense gemeen het onmoontlik gaan wees en Suid-Afrika sal altyd dankbaar wees daarvoor,” het Jordaan gesê.
- Sport24