'Gee werkers af vir WB'
2010-03-09 14:18
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - Die Suid-Afrikaanse Sokkerondersteunersvereniging (Safsa) het 'n beroep op werkgewers gedoen om fleksietyd in te stel vir die opkomende Wêreldbeker-sokkertoernooi.
Safsa het dié spesiale versoek Maandag aan die nasionale ekonomiese ontwikkelings- en arbeidsraad (Nedlac) en die minister van staatsdiens en administrasie, Richard Baloyi, gerig.
Die sokkervereniging wil hê werknemers moet toegelaat word om hul werke tot drie ure vroeër te verlaat om by Bafana-Bafana-wedstryde uit te kom.
Safsa-woordvoerder Siyabulela Makhunga meen indien werkgewers nie fleksietyd toegestaan word nie, die "euforie van die toernooi noodwendig tot 'n afname in produktiwiteit sal lei."
"Dis onafwendbaar," het hy gesê. "Die Wêreldbeker-toernooi is hier, en mense sal enigiets doen om daarin te deel."
Die Safsa-woordvoerder meen ook dat meer werkers as wat amptelik vir verlof aansoek gedoen het, gaan die dag ná 'n wedstryd afwesig wees weens feesvieringe of te min slaap.
"Daar gaan in elk geval 'n afname in produktiwiteit wees. Werkgewers behoort mense 'n kans te gee om 'n goeie tyd te hê," het hy gesê.
- Sport24