Fifa sê nee vir 'strafdoel'
2010-07-09 12:21
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg – Fifa het Donderdag die moontlikheid om ‘strafdoele’ toe te ken, na Luis Suarez se opsetlike handbal in die WB-kwarteindronde tussen Uruguay en Ghana, verwerp.
Fifa-baas Sepp Blatter het wel gesê dat enige verandering in die sokkerreëls, wat nou weens Suarez se handbal oorweeg word, by die Internasionale sokkerfederasie se vergadering in Oktober bespreek sal word.
Behalwe vir ‘strafdoele’ word daar ook ‘n beroep gedoen op strenger dissiplinêre stappe teen opsetlike handballe in sokker.
Blatter het bygevoeg dat die vergadering in Oktober ook gebruik sal word om doellyn-tegnologie te bespreek, na verskeie blapse deur skeidsregters, dié sokkerbeheerliggaam met geen keuse gelaat het as om hul standpunt oor tegnologie in sokker te heroorweeg nie.
Die Fifa-baas het verder gesê hy sal ‘n bod deur ‘n Suid-Afrikaanse stad om gasheer vir die 2020 Olimpiese Spele te wees, beslis ondersteun nadat president Jacob Zuma vroeër geskimp het dat Suid-Afrika belangstel.
Bly op hoogte van al die jongste sportnuus deur Nuus24Sport op Twitter te volg.
- Sport24