Fifa gee WB 9 uit 10
2010-07-12 15:28
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg – Sepp Blatter, Fifa-president, het Suid-Afrika Maandag geprys vir die wyse waarop die Wêreldbeker-sokkertoernooi georganiseer is.
Kritici het gevrees dat die gasheerland se hoë misdaadsyfers en swak publiekevoervoerstelsel die sukses van die toernooi sou kniehalter. Maar die vier weke lange toernooi het seepglad verloop.
“Ek moet Afrika as ‘n kontinent ook komplimenteer. Julle het bewys dat julle enigiets kan doen,” het Blatter tydens ‘n perskonferensie gesê.
“’n Groot kompliment aan Suid-Afrika, ‘n groot kompliment aan die Suid-Afrikaners, ‘n groot kompliment aan die Suid-Afrikaanse regering wat gedoen het wat hul gesê het hul sal,” het hy gesê.
“Julle kan trots wees. Die voordele en komplimente van hierdie toernooi gaan aan Suid-Afrika en nie Fifa nie.”
Blatter het Suid-Afrika ‘n nege uit 10 gegee vir sy aanbieding van die toernooi. “Dit beteken julle slaag summa cum laude. Dit is die hoogste punt,” het hy bygevoeg.
Volgens Jerome Valcke, sekretaris-generaal van Fifa, was sekuriteit tydens die toernooi byna foutloos.
“Ek wil die Suid-Afrikaanse polisiediens bedank vir alles wat hulle gedoen het,” het hy gesê.
“Daar was nie ‘n enkele insident wat die sukses van die Wêreldbeker-toernooi bedreig het nie.”
Volg Nuus24 op Twitter.
- Sapa - AFP