Fifa: WB dreigement onsin
2010-05-26 14:00
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Kaapstad –Die sekretaris-generaal van FIFA, Jerome Valcke, het gesê dat die beweerde komplot waar Al- Kaïda 'n aanval op die Wêreldbeker in Suid-Afrika beplan, bloot "bangmakery” is.
Valcke het Dinsdag gesê hy het die verslag van ‘n ondersoek deur Interpol ontvang en dat daar geen konkrete bewyse is dat so dreigement wel bestaan nie.
Al-Kaïda het alle aantygings, wat beweer dat verdagte militante ‘n aanval op die Wêreldbeker beplan, in 'n verklaring ontken.
“Die verklaring deur Al-Kaïda het net bevestig waaraan ons gewerk het. Enige tyd wat ons ‘n dreigement ontvang volg ons dit op en geen dreigement kon nog bewys word nie," het Valcke gesê.
Valcke het gesê hy glo sulke dreigemente kom van mense wat die “kollig op hulself wil plaas” aangesien die wêreld na Suid-Afrika kyk vir die volgende 40 dae.
“Die meeste van die tyd tydens ‘n Wêreldbeker is daar minder konflik as gewoonlik want almal kyk tv, selfs die soldate," het Valcke bygevoeg.
Bly op hoogte van al die jongste sportnuus deur Nuus24Sport op Twitter te volg.
- Sapa