Engeland, Duitsland gekap na 2010 kritiek
2010-01-28 10:39
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg – Fifia, die beherende liggaam van wêreldsokker het Engeland en Duitsland uitgesonder as dié twee lande wat die meeste skuld daaraan dra om Suid-Afrika, maande voor die Wêreldbeker, in ‘n negatiewe lig te plaas.
Fifa het Woensdag bevestig dat twee uit die drie miljoen kaartjies reeds vyf maande voor die opening van die toernooi verkoop is.
Verlede week is 206 865 aansoeke uit 192 lande gedurende die derde fase vir kaartjieverkope ontvang.
Jerome Valcke, Fifa se sekretaris-generaal het gesê, “Dit is baie hartseer om elke oggend wakker te word en artikels te lees waarin
aanhangers aangemoedig word om nie Suid-Afrika te besoek nie, omdat dit 'n baie gevaarlike land is."
Ander sê weer Sepp Blatter, Fifa se hoofbaas, het 'n groot fout gemaak toe hy vir Suid-Afrika tot die gasheerland verkies het, terwyl sommige sê dat jy mal is as jy na die land toe wil vlieg.
“Ons vra net dat almal Suid-Afrika ‘n regverdige kans moet gee."
Valcke het Europa en Duitsland uitgesonder as die lande wat die meeste vir negatiewe publisiteit verantwoordelik is.
"Ons het nie so baie negatiewe terugvoer van Holland, Spanje, Frankryk en Italië ontvang nie.
"Die lande is egter twee groot lede van die internasionale sokkerfamilie. Daarom haal hulle kommentaar elke keer die voorblaaie," aldus Valcke.
-Sport24