D-dag vir Bafana

In-diepte Verslae

• Nuus
• Artikels
• Multimedia

Onthaal van hoës kos regering R10 m.

Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.

• N-Korea se sokkerspan en afrigter verneder
• Stadions sal nie ‘'n wit olifant’ wees
• Sexy sanger ski kaal ná Spanje se WB-sege
• Gauteng spandeer R4 milj op WB-kaartjies

Meer plaaslike kunstenaars by WB-konsert

Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.

• Prostitusie neem toe in Kaap voor WB
• Wêreldbeker kan help in stryd teen Vigs
• Bafana se Everest
• Mandela nodig vir 2010 se sekuriteit

GALERY: 2010-sokkerstadions

Dié foto's van Suid-Afrika se wêreldbeker-stadions is deur lesers van oor die hele land ingestuur.

Timothy Molobi

Asuncion - Bafana Bafana se oomblik van waarheid breek vanaand (Woensdag) hier aan wanneer hulle teen Paraguay te staan kom in die laaste kragmeting op hul Suid-Amerikaanse oefenkamp.

En volgens die Suid-Afrikaanse sokkerspan se afrigter, Carlos Alberto Parreira, wag ’n leeukuil. “Die atmosfeer gaan intimiderend wees, maar ons huiswerk is gedoen en ons weet wat om te verwag.

“Natuurlik wil ons wen, maar die uitslag is nie so belangrik nie. Dis steeds ’n oefenwedstryd en ons wil sien hoe ver ons die laaste paar weke gevorder het en waarop ons nog moet verbeter.”

Dié breier het vandeesweek gesê hy weet reeds wie in sy Wêreldbeker-groep van 23 gaan wees, maar dat ’n uithaler-vertoning vanaand ’n verrassing kan lewer.

Volgens Matthew Booth, Bafana-verdediger, wil die spelers Parreira se taak so moeilik moontlik maak.

“Almal weet dis ons laaste kans om die afrigter te oorreed en dit sal boonop nie maklik wees nie, aangesien Paraguay oorgehaal is om sy laaste nederlaag teen ons te wreek,” het Booth gesê.

Bafana het tot dusver beïndruk deur ses van hul agt oefenwedstryde teen plaaslike klubspanne te wen, maar die Suid-Amerikaners sal die bordjies wil verhang nadat hulle twee jaar gelede met 0-3 teen die Suid-Afrikaners verloor het.

Twee van die doelskieters in dié wedstryd, Siphiwe Tshabalala en Surprise Moriri, sal weer in aksie wees en Parreira sal straks sy WB 2010-kaarte speel deur die sterkste moontlike beginspan te kies.

Intussen beplan Geraldo Martino, Paraguay-afrigter, om versigtigheid oorboord te gooi.

Kickoff.com berig dat Martino Bafana vanuit die staanspoor met drie doeskieters wil pak, maar dat hy nog moet kies tussen Red Rodrigo, Nestor Ortigo, Rodolfo Gamarra, Nestor Ayala, Hernán Perez en Marcelo Estigarribia.

Bafana se span behoort só te lyk: Itumeleng Khune, Siboniso Gaxa, Bongani Khumalo, Siyabonga Sangweni, Lucas Thwala, Thanduyise Khuboni, Lance Davids, Teko Modise, Siphiwe Tshabalala, Surprise Moriri, Katlego Mphela.

- Sport24