Cronin waarsku teen winsbejag
2010-03-06 03:25
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Kaapstad - Jeremy Cronin, adjunkminister van vervoer, het lugrederye gewaarsku teen oormatige winsbejag tydens die Fifa Wêreldbeker-sokkertoernooi.
Hy het gewaarsku dat die sokkertoernooi nie net 'n maklike geldmaak geleentheid is nie.
Hy het in die Nasionale Vergadering gesê dat die regering die uitdaging wat buitensporige vlugpryse aan hulle stel, ernstig opneem.
“Lugrederye het ons meegedeel dat die pryse seisoenaal aangepas sal word.
“Alhoewel die toernooi ‘n besonderse besige tyd vir lugrederye gaan inhou, verwag hulle nie om meer as die seisoenale aanpassings te vra nie,” het hy gesê.
“Die Kompetisie-kommissie sal egter steeds op die uitkyk wees vir sameswering of prysvasstelling.”
Cronin het bygevoeg dat dit nie net die lugdienste is wat moet waak teen winsbejag nie en dat alle sektore die groter prentjie in gedagte moet hou.
“Dit gaan daaroor om Suid-Afrika as ‘n gewilde bestemming, wat bekostigbaar, veilig en besienswaardig is, te bemark,” het hy gesê.
- Sapa