Cele prys veiligheidsmagte vir WB-sekuriteit
2010-07-11 20:08
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - Genl. Bheki Cele, nasionale polisiehoof, het Sondag veiligheidsmagte geprys vir die manier waarop die veiligheid van besoekers tydens die Wêreldbeker-sokkertoernooi verseker is.
Hy het gesê nuwe standaarde is gestel.
"As dit nie vir die Suid-Afrikaanse veiligheidsmagte was nie, sou ons nie so ver gekom het nie," het Cele aan die polisie, die Suid-Afrikaanse weermag en die Johannesburg-metropolisie gesê by Nasrec.
"... Die slegte ding wat julle gedoen het is om 'n standaard daar te stel waaraan julle nou sal moet voldoen," het hy gesê.
Hy was in verbinding met Brasiliaanse amptenare, wat die Suid-Afrikaanse polisiemag gevra het om te help om sekuriteit by die 2014 Wêreldbeker te behartig.
"Dis die merk en impak wat julle gemaak het. Die wêreld glo in julle," het hy gesê.
"Maak seker dat wanneer die besoekers weg is, Suid-Afrikaners steeds veilig is. Julle moet die houvas op misdadigers se ruimte behou en hulle suurstof klaarmaak."
- Volg Nuus24 op Twitter
- SAPA