Brittanje gee 42 miljoen kondome vir WB
2010-03-09 19:00
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Johannesburg - Brittanje beplan om 42 miljoen kondome vir Suid-Afrika te gee vir 'n MIV-veldtog voor die afskop van die Wêreldbeker-toernooi, berig die Mail&Guardian.
Dít is in reaksie op 'n versoek van president Jacob Zuma vir 'n ekstra miljard kondome vir die verwagte sokkergeesdriftiges wat die toernooi gaan bywoon.
Hy het vir Brittanje vir hulp gevra tydens sy onlangse besoek aan die Verenigde Koninkryk om koningin Elizabeth II te ontmoet.
"Daar is duidelik 'n groot fokus op die Wêreldbeker en 'n groot toename van mense wat na Suid-Afrika toe kom," het Gareth Thomas, die VK se minister van internasionale ontwikkeling, gesê.
Fidel Hadebe, woordvoerder van die departement van gesondheid, het gesê hy kan nie kommentaar lewer voor hy nie terugvoering van sy Britse kontakte gekry het nie.
Jackson Mthembu, woordvoerder vir die presidensie, was nie onmiddelik beskikbaar vir kommentaar nie.
– Sapa