Bafana bra flou teen Nam
2010-03-04 10:50
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Durban – Bafana Bafana se afrigter, Carlos Alberto Parreira, sê daar is geen rede tot kommer ná sy span se gelykop uitslag teen Namibië in 'n vriendskaplike wedstryd in Durban nie.
Namibië se Brave Warriors het teen rustyd met 1-0 voorgeloop na ‘n doelskop deur Rudolf Bester in die 42ste minuut van die wedstryd by die Moses Mabhida-stadion.
Bafana Bafana kon eers in die 70ste minuut van die wedstryd die telling gelykop maak, toe Katlego Mphela die bal verby die doelwagter gestuur het.
Parreira, wat sy spelers dié komende naweek na Brasilië neem vir ‘n maandlange oefenkamp, het ná die wedstryd gesê hy glo hy kan Bafana ‘n kompeterende eenheid maak voor hulle op 11 Junie teen Mexiko in die openingswedstryd van die Wêreldbeker-sokkertoernooi speel.
“Dit is altyd beter om te wen," het Pareira gesê, "maar hierdie uitslag is nie die einde van die wêreld nie. Ons sal nie teen spanne soos Namibië in die Wêreldbeker speel nie."
“Namibië het met 10 spelers agter die bal verdedig en by die Wêreldbeker-toernooi sal dit ons wees wat onder druk gaan wees in verdediging," het Parreira gesê.
Parreira was nie juis beïndruk met die Bafana-kaptein Teko Modise en Siphiwe Tshabalala se spel nie. “Die probleem met Modise en Tshabalala is dat hulle nie gereeld vir hul klubs speel nie en dit wys in hul fiksheid.
Een speler wat wel lof van die afrigter ontvang het, was Thulasizwe Khuboni van Golden Arrows. “Dit is nie blote toeval dat Khuboni in die laaste twee wedstryde as speler van die wedstryd aangewys is nie," het hy gesê.
"Hy leer hoe om in die middelveld te verdedig op die manier wat die Brasiliane dit doen. Ek is baie tevrede met sy vordering as speler."
Die afrigter van die Brave Warriors, Tom Saintfiet, was ‘n gelukkige man. “Bafana is ons ouer broers maar vanaand het ons gewys ons is presies dieselfde grootte.
- Sapa