10 beseer in sokker-stormloop
2010-06-06 19:02
In-diepte Verslae
Die regering het R10,2 miljoen opgedok vir ’n luukse suite om Afrika-staatshoofde en ander hooggeplaastes tydens die Wêreldbeker-sokkertoernooi te onthaal.
Meer Suid-Afrikaanse kunstenaars gaan by Fifa se Wêreldbeker-konsert by die Orlando-stadion optree, het vervaardigers gesê.
Tembisa – Duisende sokkerondersteuners het Sondag 'n hek buite 'n stadion gestormloop voor 'n wêreldbeker-opwarmingswedstryd tussen Nigerië en Noord-Korea.
Minstens 10 mense is in die voorval beseer toe ondersteuners geval en onder ander se voete beland het. Baie van die ondersteuners het Nigerië-truie gedra.
Die Makhulong-stadion in Johannesburg het sitplek vir ongeveer 10 000 ondersteuners.
Die eerste stormloop het begin toe die hekke geopen is om ondersteuners toegang te gee tot die stadion.
Die polisie het die hekke vinnig weer gesluit, maar toe dit weer oopgemaak is het 'n tweede stormloop begin, en meer mense is beseer.
'n Polisiebeampte is ook in die voorval beseer. Hy is later van die toneel gedra op 'n draagbaar. Ander ondersteuners wat lig beseer is het die toneel te voet verlaat ná die stormloop.
"Tien mense, onder wie 'n polisiebeampte, is lig beseer en niemand is dood nie," het Hangwani Mulaudzi, polisiewoordvoerder, gesê. "Hierdie is 'n vriendskaplike wedstryd en ek dink die ondersteuners was opgewonde om te kom kyk hoe hulle helde in die wêreldbekertoernooi gaan vaar."
Die tweede helfte van die wedstryd is ook onderbreek toe toeskouers onder mekaar begin baklei het oor sitplekke.
- SAPA