Zimbabwe verhoog salarisse
2009-07-22 13:19
Harare - Zimbabwe se regering het staatswerkers se salarisse met 55% verhoog, in die hoop om die uitvloei van kennis en gekwalifiseerde werkers van dié land af te skaal.
Die regering het in Januarie internasionale geldeenhede begin gebruik en staatswerkers het tot nou ‘n maandelikse salaris van $100 getrek. Met dié instelling van ‘n nuwe salaris-skaal sal hulle minstens $155 verdien.
Tendai Biti, minister van finansies het tydens ‘n begrotingstoespraak gesê die regering sal salarisse verhoog maar wou nie presiese getalle bekend maak nie.
"Die werkers wat oorweeg het om die land te verlaat, sal nou bly”, het Eliphas Mukonoweshuro, minister in die staatsdienste gesê.
Miljoene Zimbabwiërs het na naburige lande en Europa gevlug, op soek na beter werksgeleenthede.
Die regering sukkel om Westerse borge te oorreed om noodsaaklike fondse beskikbaar te stel om dié ekonomie te red.
Zimbabwe benodig sowat $10 miljard om paaie, hospitale en skole op te gradeer.
- Sapa
- Reuters