VN hoë loop deur onder kritiek
2009-07-21 10:45
New York- Sy kritici beskryf hom as oneffektief, oninspirerend en ‘n swak kommunikeerder, maar die Verenigde Nasies (VN) se sekretaris-generaal, Ban Ki-moon, se volgers meen hy word net misverstaan.
Halfpad deur sy vyfjaar termyn, loop Ki-moon onder skerp kritiek deur, meestal deur Westerse media oor die wyse waarop hy die krisisse in Darfoer, Sri Lanka en Mianmar hanteer het.
Die Wall Street Journal het hom verlede week beskryf as die VN se “onsigbare man”.
Volgens Roberta Cohen, ‘n kundige in menseregte by die Brookings Instituut in Washington, is Ki-moon “oor differensiaal” teenoor regerings.
Volgens Cohen, het die VN se sekretaris-generaal besluit om te buig voor lande soos Brittanje, China, Frankryk, Rusland en Amerika eerder as om te fokus op die wêreld gemeenskap en die beskerming van burgers.
Ki-moon ontvang heelwat kritiek uit verskeie oorde. Volgens hulle sukkel die saggeaarde Ki-Moon om kers vas te hou by sy voorganger, Kofi Annan.
Maar Ki-moon se ondersteuners voel anders oor hom. Volgens hulle is die kritiek wat hy ontvang onregverdig en ken hulle hom as ‘n passievolle werker na wie hulle opkyk.
- AFP