Nuutste studie: Mense word al ouer
2009-07-20 09:54
Washington – Die populasie ouer mense in die wêreld word by dag meer. Binnekort sal hulle selfs meer as die jonger generasie wees.
Só het Amerikaanse navorsers Maandag bekend gemaak. Die groei in die populasie van ouer mense beteken ‘n groei in pensioen- en gesonheidskostes. Dit kan ekonomiese groei in ryk en armer lande stuit.
Die getal 65-jariges het sedert middel 2008 die som van 506 miljoen bereik. Na verwagting sal hierdie getal teen 2040 styg tot 1.3 biljoen.
“Vir die eerste keer in die geskiedenis sal daar meer 65 jariges wees as kinders onder die ouderdom van vyf,” het Kevin Kinsella en Wan He, wat die verslag opgestel het, gesê.
Die rede hiervoor blyk ‘n toename in geboortes na die Tweede Wêreldoorlog te wees en ‘n afname aan sterftes van ouer persone.
‘n Soortgelyke verslag deur die Europese Unie het bevind dat die sterftesyfer in die Europese Unie (EU) teen 2015 die geboortesyfer sal verbysteek, wat beteken dat migrasie die enigste bron van bevolkingsgroei sal word.
Dié voorspelling toon dat Europa se bevolking spoedig oor die volgende dekades sal verouder, met minder werkers wat die pensioen- en gesondheidskostes vir ’n verouderde samelewing sal dek.
–Sapa
- Reuters